دعا بتاریخ اگست 17, 2022

انسانوں کی محبت اللّٰہ تعالیٰ کا بڑا فضل اور ایسا خزانہ ہے کہ جس کی کوئی قیمت نہیں ، خواہ انسان اس پر ، دنیا کے تمام خزانے بھی خرچ کر ڈالے ، 

اللّٰہ تعالیٰ نے فرمایا : 
{اگر آپ (اے محمد ﷺ) جو کچھ زمین میں (خزانوں سے) ہے سارے کا سارا خرچ کر دیں تو بھی آپ ان کے دلوں میں الفت نہ ڈال سکتے۔}  (الانفال؛63)

ا ے الــلّٰـــــــــــــه !
ہمارے دلوں میں (ایک دوسرے کے لئے) الفت ڈال دیجیے ، 
ہماری غلطیاں درست کردیجیے ، 
ہمیں بھلائی سے وہ عطا کر دیجیے جو آپ نے ہمارے لیے پسند کیا ہے ، 
ہمارے فوت شدگان پر رحم فرما دیجیے ، 
اور ہمارے بیماروں کو شفا دے دیجیے ،
اے ارحم الراحمین !
اپنی رحمت کے سبب (ہم پر کرم فرما دیجیے) 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔