دعا بتاریخ ستمبر 14, 2023

اے اللّٰہ!
ہمارے لیے ہماری کوتاہی کو اور اپنے کام میں ہمارے حدود سے تجاوز کرنے (کے گناہ) کو بخش دیجیے ، 
ہمیں معاف کر دیجیے ، 
ہماری کوتاہیوں سے درگزر کیجیے ، 
اور اپنی اس رحمت کے سبب ، ہم پر رحم فرمائیے جس نے ہر چیز کو (اپنے اندر) شامل کیا ہوا ہے ۔
اے ہمارے پروردگار !
بیشک ہم نے (آپ کی نافرمانی کرکے) اپنی جانوں پر ظلم کیا اور اگر آپ نے ہمیں نہ بخشا اور ہم پر رحم نہ کیا تو یقینی طور پر ہم نقصان اٹھانے والوں میں سے ہو جائیں گے ۔
اے اللّٰہ!
اے سخی ذات ! اے مہربان ہستی ! اے توبہ قبول کرنے والے ! اے نہایت مہربان ! اے دعاؤں کے قبول کرنے والے ! 
ہمیں (ناکام) واپس نہ لوٹائیے اور نہ ہمیں بے یار و مددگار کیجیے ، 
اللّٰہ تعالیٰ ہمیں اور آپ (احباب) کو گمراہ کرنے والے (تمام) فتنوں سے بچائے جو ان میں سے ظاہر ہوئے اور جو چھپے ہوئے ہیں ، 
اے اللّٰہ !
ہمیں پاکیزہ زندگی کے ساتھ زندہ رکھئے ، 
اور آپ اپنا ذکر کرنے ، اپنا شکر ادا کرنے اور اپنی عمدہ بندگی کرنے پر ہماری مدد کیجیے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے۔