دعا بتاریخ اکتوبر 13, 2021

اے اللّٰہ
بیشک ہم آپ کی مہربانی کے انتہا درجہ کےخواہشمند ہیں ، 
آپ کی طرف سے درگذر چاہتے ہیں ، 
اور آپ کی رضامندی کے امیدوار ہیں 
پس آپ ہمیں اپنی محبت ، اپنے درگزر اور اپنی رضامندی سے محروم نہ فرمائیے ۔ 
اے سوال کئے جانے والوں میں سے سب سے زیادہ مہربان اور عطا کرنے والوں میں سب سے زیادہ سخی ذات! 
(ہم پر مہربانی کیجیے اور عطا کیجیے) 

اے اللّٰہ
آپ نے  اپنے فضل سے جو ہم پر احسان کیا ہے سو اسے مکمل کر دیجیے ، 
جو آپ نے ہمیں اپنے کرم سے عطا کیا ہے پس اسے واپس نہ لیجیے ، 
جو آپ نے اپنے حِلم (بردباری) سے ہمارے (عیبوں اور گناہوں) پر پردہ ڈال دیا ہے تو اسے فاش نہ کیجیے ، 
ہماری جو برائی آپ کے علم میں ہے سو اسے بخش دیجیے ، 
اور ہمیں اپنے نیک بندوں میں قبول (شامل) کرلیجیے ۔ 
اے اقوام عالم کے پروردگار ! (ہماری دعائیں قبول فرما لیجیے!)