دعا بتاریخ فروری 13, 2021

اے اللّٰہ ! اپنے ذکر ، شکر اور عمدہ عبادت کے لئے ہماری مدد کیجیے ، 

اے اللّٰہ ! زمین کے اوپر ( زندگی میں ) زمین کے نیچے ( قبر میں ) اور اپنے سامنے پیش ہوتے وقت ہماری پردہ پوشی رکھئیے ، 

اے اللّٰہ ! ہم باعث حسرت و ندامت ہر گناہ سے بخشش مانگتے ہیں اور توبہ کرتے ہیں ، 

اے اللّٰہ ! بیشک ہم نے اپنے معاملات آپ کے سپرد کردیئے ہیں ، پس آپ ہمارے بہترین نگران ہو جائیے اور ہمارے کام کی بہترین تدبیر کر دیجیے کیونکہ ہم بہتر تدبیر نہیں کر سکتے ، 

اے اللّٰہ ! ہم آپ کی ( جانب سے میسر ہر ) نعمت کی زوال پذیری  ، آپ ( کی طرف سے حاصل) عافیت کے بدل جانے ، آپ کے ناگہانی غضب اور  آپ کی ہر طرح کی ناراضگی سے آپ کی پناہ میں آتے  ہیں ۔۔ 

اے اللّٰہ ! ہمارے نبی حضرت محمد صلی اللّٰہ علیہ وسلم پر ، آپ کی آل اور تمام صحابہ کرام پر اپنی رحمتیں اور برکتیں نازل فرمائیے ۔