دعا بتاریخ اگست 12, 2023

 نبی ﷺ نے فرمایا ؛ 
" تم میں سے سب سے بہترین وہ ہیں ، جن سے (انسانیت کی) بھلائی کی امید رکھی جائے اور جن کے شر (اذیت) سے محفوظ رہا جائے" 
(جامع الترمذی ؛ 2263)
اے اللّٰہ!
ہمیں اور ہماری اولادوں کو عدل کرنے والے بہترین لوگوں میں شامل کر لیجیے ، 
ہمیں اپنے نیک بندوں کی جماعت میں قبول کرلیجئے ، 
ہمیں اور مسلمانوں کو شریر لوگوں کی جماعت سے دور رکھئے ، 
ہمیں ان کے مکر وفریب اور چالوں سے اپنی پناہ میں لے لیجئے ، 
ہمارے لوگوں کو اور ہمارے شہروں کو ہر قسم کے نقصان ، شکوک وشبہات ، فریب کاری اور گمراہی سے محفوظ رکھئے! 
اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔