دعا بتاریخ نومبر 10, 2022

اے اللّٰہ
آپ ہی اس کو دینے والے ہیں  جس نے بھی آپ سے مانگا ،، 
اے وہ ذات ! آپ ہمیں دیکھتے ہیں اور ہم آپ کو نہیں دیکھتے ،، 
آپ ہمیں وسائل رزق مہیا کرتے ہیں اور ہم آپ کی تعریف کو (آپ کی شان کے مطابق)  نہیں پہنچ پاتے ،، 
آپ میرے لیے ، میرے اہلِ خانہ کے لیے ، میری اولاد کے لیے اور میرے احباب کے لیے ہر دعا کو قبولیت والی بنا دیجیے اور ہمیں اپنی رضا اور جنت تک پہنچا دیجیے ۔۔ 

اے میرے پروردگار !
اس دن کو بہترین دن بنا دیجیے ، جس میں ہمارے سینہ پر کوئی بوجھ ہو اور نہ ہمیں اس میں کوئی نقصان ہو ، 
آپ ہمارے لیے ہر قدم پر (اعمال خیر کی) توفیق ، آسانی اور اجر مقرر کر دیجیے ۔۔۔ 

اے اللّٰہ!
آپ ہمیں ، ہمارے والدین ، انہیں جن کا ہم پر حق ہے ، ایمان والے مردوں اور ایمان والی عورتوں ، مسلمان مردوں اور مسلمان عورتوں کو ، ان میں سے زندہ اور فوت شدگان کو بخش دیجیے۔ 

 اے اللّٰہ!
ہمارے آقا حضرت محمد مصطفیٰ ﷺ پر رحمتیں نازل فرمائیے ، سلامتی دیجیے اور برکت عطا کیجیے اتنی تعداد میں جتنا اس (اللّٰہ) کا ذکر کرنے والے ذکر کریں اور اتنی ہی تعداد میں جس کو غافل لوگ نظرانداز کریں۔