دعا بتاریخ مئی 08, 2022

اے اللّٰہ!
ہم جو چاہیں ، آپ اس میں خوشی اور کشادگی دے دیجیے ۔
اے اللّٰہ!
ہمیں (مشکلات میں) صبر اور (اچھے حالات کے) طویل انتظار کے بعد عمدہ متبادل دے دیجیے ۔
اے اللّٰہ!
ہمارے دلوں میں دائمی راحت اور نہ ٹوٹنے والی امید کی پرورش فرما دیجیے ۔
اے اللّٰہ!
ہمیں اطمینان ، ثابت قدمی ، سکون اور ایسی خوشی دے دیجیے کہ اس کے بعد کبھی نہ تنگی ہو اور نہ غم ہو ۔
اے اللّٰہ! (ایسا ہی کر دیجیے) 
اے اللّٰہ!
ہم پر اس وقت رحم فرما دیجیے جب ہمیں (قبر کی) مٹی ڈھانپ لے ، قبریں اور (ان میں داخل ہونے کے) دروازے بند کر دئیے جائیں ، اہل خانہ اور احباب (ہم سے) جدا ہو جائیں ، 
پھر اس وقت وحشت ، تنہائی اور حساب کی ہولناکی کا سامنا ہو ، 
اے اللّٰہ!
ہم پر اس وقت بھی رحم فرما دیجیے جب ہم (دنیا کی) نعمت سے جدا ہو جائیں ، خوشبودار ہوا ہم سے منقطع ہو جائے اور یہ پوچھا جائے کہ ' کس وجہ سے تم اپنے مہربان پروردگار کے بارے میں بہکے تھے'! ، 
اے اللّٰہ!
ہم پر اس وقت بھی رحم فرما دیجیے جب ہم سوال (و جواب) کے لیے کھڑے ہوں ، اور گفتگو ہمارا ساتھ نہ دے ، اور ہمیں (اس وقت) نہ منصب فائدہ دے ، نہ ہی مال اور نہ اولاد اور ہم پر ایسی حالت آجائے کہ ہمارے لیے بڑی اور بلند ذات (اللّٰہ تعالیٰ) کے فضل کے سوا کچھ نہ ہو ، 
اے اللّٰہ!
ہم پر اس وقت بھی رحم فرمائیے جب ہمارے پاس (قبر پر) آنے والا نہ آئے ، نہ ہمیں کوئی یاد کرنے والا یاد کرے اور نہ ہی ہمارے پاس کوئی قوت ہو اور نہ ہی کوئی مددگار ۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔