دعا بتاریخ اگست 06, 2022

اے اللّٰہ!
ہمیں دعاؤں میں اخلاص ، نیکیوں میں قبولیت ، نیک کام کرنے پر اظہار تشکر ، مشکلات کے وقت صبر اور مصائب کے وقت نجات عطا کیجئے ، 

اے اللّٰہ!
ہمیں ان لوگوں میں شامل کر دیجیے جن سے آپ محبت کرتے ہیں ، 
ہمیں اپنے پاس ، اپنے فرشتوں ، اپنے رسولوں اور اپنی تمام مخلوق کے ہاں محبوب بنا دیجیے ، 
اپنے پاکیزہ بندوں کو ہمارے کام میں (مدد کرنے والا) مقرر کر دیجیے ، 
اور کسی کو اس طرح نہ ہونے دیجیے کہ وہ ہماری شکایت آپ کی طرف کرے ، 
اے اللّٰہ!
اے اُن سب سے مہربان  جن سے مانگا جاتا ہے اور اے اُن سب  سے سخی جو عطا کرتے ہیں ! 
ہمارے بیماروں کو شفا دے دیجیے ایسی شفا کہ جس کے بعد بیماری نہ ہو ، 
ہمارے فوت شدگان پر رحم فرما دیجیے ، 
انہیں بخش دیجیے ، 
اور انہیں جنت میں بلند مقام میں رہائش پذیر فرما دیجیے۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔