دعا بتاریخ جون 05, 2022

اے اللّٰہ!
آپ ہمیں عمل (کی قوت) کے ساتھ زندہ (غالب) کر دیجیے ، 
ہمیں بھلائی کے (اس عمل کے) ساتھ مصروف رکھئے جس سے آپ راضی ہوتے ہیں ، 
اور ہمارے اوقات میں برکت دے دیجیے ، 
 اے اللّٰہ!
ہم ایسی فراغت نہیں چاہتے کہ جس کے نتیجے میں ہم غافل ہو جائیں ، 
نہ ہی حق سے اعراض چاہتے ہیں کہ ہم ضائع ہو جائیں ، 
نہ ہی عجب (خود پسندی کا مرض) کہ ہم آزمائش میں مبتلا ہو جائیں ، 
اور نہ ہی ایسی کمزوری چاہتے ہیں کہ اس کے نتیجے میں ہم (اجتماعی خدمت سے) انحراف کریں ، 
اے اللّٰہ!
ہمیں (زمین میں) گڑے ہوئے پہاڑوں کی طرح ثابت قدمی دے دیجیے ، 
ہمارے ہاتھوں کو (یعنی ہمیں) حق (سچی فکر) اور ہدایت (صحیح پروگرام) کی طرف تھام لیجیے ، 
ہمیں (اس حق اور ہدایت پر) ثابت قدم فرما دیجیے ، 
اور اسی پر ہمیں دنیا سے لے جائیے ۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی کے ساتھ زندہ رکھے۔