دعا بتاریخ جولائی 01, 2021

اے اللہ ! 
اے وہ ذات ؛ جس کا ذکر ، ذکر کرنے والوں کے لیے باعث عزت ہے ! 
اے وہ ہستی ؛ جس کا شکر ادا کرنا ، شکر کرنے والوں کے لیے کامیابی کا باعث ہے !
اے وہ ذات ؛ جس کے حکم کی فرمانبرداری کرنا ، اطاعت گزاروں کے لیے باعث نجات ہے !
اپنے ذکر ، اپنے شکر اور اپنی عبادت کی عمدہ ادائیگی پر ہماری مدد فرمائیے ، 
اور (قیامت کے دن) ہمیں اپنے مہربان چہرے کی طرف دیکھنے کی لذت سے آشنا کیجیے ۔ 
اے اقوام عالم کے پروردگار ! ہماری دعائیں قبول فرما لیجیے ۔