دعا بتاریخ مارچ 27, 2021

اے اللّٰہ ! آپ ہی کے لیے تعریف ہے اور آپ ہی کا شکر ہے ( اس پر جو ) ۔۔۔
آپ نے کھلایا ، پلایا (سامان خورد و نوش عطا کیا) ، (ہر چیز کی) کفایت کی ، (اپنی نعمتوں سے) مالا مال کیا اور (درست سمت میں) رہنمائی عطا کی ۔ 
پس آپ ہی کی تعریف ہے اس پر جو آپ نے (ہمارے لئے) فیصلے کئے اور آپ ہی کے لیے شکر ہے ان چیزوں پر جو آپ نے انعامات کئے اور جو عطا فرمایا  ۔ 

اے اللّٰہ ! ہمیں عنایت فرما دیجیے :
 ایسی پردہ پوشی ، جو ہمارے کئے ہوئے گناہوں کو چھپادے ، 
ایسا علم ، جو ہماری جہالتوں کو ختم کر دے  ، 
ایسا رزق ، جو ہماری آرزوؤں سے بھی بالا تر ہو ۔۔۔۔۔۔۔۔ 

اے اللّٰہ ! بیشک میں آپ سے سوال کرتا ہوں کہ آپ :  
 ہم پر کی ہوئی نعمتوں کی حفاظت کیجئے ، 
ہم سے سختیاں دور فرمائیے ، 
ہمیں زندگی کی مٹھاس ، بہترین نوازش ، وسیع رزق ، دل کی راحت ، عافیت کا لباس ، (ہر کام کا) اچھا انجام عطا کیجئے 
اور ہمیں ، ہمارے والدین ، تمام زندہ اور فوت شدہ مسلمان حضرات و خواتین ،  کو جنت میں اعلیٰ درجے کا مقام عطا فرما دیجیے ۔ 

اے اللّٰہ ! ہمارے آقا حضرت محمد مصطفی ﷺٰ پر ، آپ کی آل اور صحابہ کرام پر اپنی رحمتوں کا نزول فرمائیے اور سلامتی عطا فرمائیے ۔