دعا بتاریخ مارچ 05, 2024

اے اللّٰہ ! 
بیشک ہم آپ کی تمام خوبیوں کے ساتھ ، آپ کی تعریف کرتے ہیں (خواہ) جن (آپ کی تعریفوں) کو ہم نے جانا اور جنہیں نہیں جانا ۔ 
اے ہمارے پروردگار !
آپ ہی کے لیے تمام تعریفیں ہیں جیسے آپ کی ذات کے جلال اور آپ کے عظیم غلبہ کے شایان شان ہے ، 
آپ کی ذات پاک ہے ہم آپ کی تعریف کا احاطہ نہیں کر سکتے جس طرح کہ آپ کی ذات نے اپنی خود تعریف کی ہے ، 
اے اللّٰہ!
آپ ہی کے لیے تمام تعریفیں ہیں ، آپ ہی کے ہاتھ (قدرت) میں ساری بھلائی ہے اور آپ ہی کی طرف تمام امور ؛ ان میں سے علانیہ ہوں یا ان میں سے پوشیدہ ، لوٹتے ہیں  
پس آپ ہمارے تمام گناہوں کو بخش دیجیے اور ہمارے لیے ہماری ساری حالت کو سنوار دیجیے۔ 

 اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔